ni CieloAmethyst
Feb.23,2016
(Para sa mga paasa, umasa, pinaasa at patuloy na umaasa...)
May karapatan ba akong ma-miss ka gayong hindi naman tayo?
May karapatan ba akong magalit at magreklamo habang wala namang tayo?
Na ang meron lang ay ikaw at ako, magkahiwalay na salita na parang sitwasyon natin ngayon.
Anong nangyari sa atin? Maari ko ba yang itanong?
Nawala na ang lahat ng masasayang kwentuhan at kulitan
Napalitan nalang ng mga nakabibinging katahimikan
Ang noon ay isang masayang samahan,
Ngayon ay tila milya-milya na ang pagitan.
Anong nangyari?
Ako ba ang may kasalanan ng lahat ng ito?
Pakisabi naman sana sa akin para alam ko.
Hindi yung para akong tanga na nakabitin sa kawalan
Nakalutang sa ere at hindi alam ang patutunguhan.
Pwede ko bang malaman ang sagot?
Tapos na ba ang lahat ng ito sa pagitan ng mo at ko?
Aalis o umalis ka na nga ba sa buhay ko?
Nagwakas na ba ang kabanata nating dalawa
At naguumpisa na ang bago sa piling ng iba?
Pakisabihan naman ako...
Huminto na nga bang talaga ang takbo ng pag-ibig
Sa pagitan ng ating pinag-isang daigdig?
Pero bakit wala ang salitang paalam?
Matuto ka naman sanang magsabi man lang...
Nang Mga salitang may kinalaman sa pagtatapos
Gaya ng wakas, Goodbye, O Adios!
Dapat ko na bang marinig ang mga iyan? Pakisabihan naman ako...
No comments:
Post a Comment
:)